Friday 1 March 2019

We'll not go

Ships leaving the Broomielaw
We’ll not go; we’ll not send back nae letters fae onywhaur -
The ships of migration can ruist on the Clyde.
We’ll not go, we will ficht here, we’ll staun or be buried here,
Lik the floors o the forest on the Broomielaw’s side

Enclosure nae mair,
Eviction nae mair,
Clearance nae mair,
Lairdship nae mair

Dunbar nae mair,
Flodden nae mair,
Pinkie nae mair,
Culloden nae mair.

We’ll not go; we’ll not send back nae letters fae onywhaur -
The time for acceptance has left on the tide
Tak a luik doon the lang road
Fae Caithness tae Gallowa’

Last nicht I lay restless, whiles I wis speirin oan
Whit th Proclaimers hae sang o oor grief an oor pain
For the savour o strawberries that hae grown in thon saut sea
O the tears we hae gret, we hae let faa lik rain.

We’ll not go; we’ll not send back nae letters fae onywhaur -
These times are passed noo, but noo we sall rise
We’ll not go; we sall scrieve here a Claim o Richt for ilkane -
There’s a nacion tae big here, an here we sall bide.

Mundell nae mair,
Carmichael nae mair,
Murray nay mair,
May nae mair.

Province nae mair,
Region nae mair,
Devolution nae mair,
Union nae mair.

Dunbar nae mair,
Flodden nae mair,
Pinkie nae mair,
Culloden nae mair.

Enclosure nae mair,
Eviction nae mair,
Clearance nae mair,
Lairdship nae mair

We’ll not go, we sall bide here, at hame here wi freedom
Whaur the roses an geans noo aa gailie blume
In this yird we will welcome the bairns o auld Adam
Tae aa dance a reel tae a bonnie new tune.

No comments:

Creative Commons Licence
The fool on the hill by Simon Brooke is licensed under a Creative Commons Attribution-ShareAlike 3.0 Unported License